சுப.வீரபாண்டியன்

   

சுப வீரபாண்டியன் தமிழ்ப் பேராசிரியர்; சொற்பொழிவாளர்; இதழாளர்; திராவிடத் தமிழ்தேசியர்; கடவுள் மறுப்பாளர்; பெரியாரியலாளர்; அம்பேத்கர் பற்றாளர்; தமிழீழ ஆதாரவாளர்.என பன்முகங்கள் கொண்ட  சுபவீ என சுருக்கமாக அழைக்கப்படும் இவர் தமிழ்நாட்டின் சிவகங்கை மாவட்டத்தில் உள்ள காரைக்குடி நகரில் 1952 ஆம் ஆண்டில் திராவிட இயக்கத்தினர்களான இராம. சுப்பையா - விசாலாட்சி இணையருக்கு இரண்டாவது மகனாகப் பிறந்தார். புகழ்பெற்ற தமிழ்த் திரைப்பட இயக்குநரான SP. முத்துராமன் இவர்தம் அண்ணன் ஆவார்.
           இவர்  தொடக்கக்கல்வியையும் உயர்நிலைப் பள்ளிக் கல்வியையும் காரைக்குடியில் பெற்றார். பின்னர் காரைக்குடியில் உள்ள அழகப்பர் அரசு கலைக் கல்லூரியில் பயின்று இயற்பியலில் அறிவியல் இளவர் பட்டம் பெற்றார். தமிழிலக்கியம் பயின்று கலை முதுவர் பட்டம் பெற்றார். சென்னைப் பல்கலைக் கழகத்தில் ஆய்வுசெய்து முனைவர் பட்டம் பெற்றார். தனது கல்லூரிக் கல்வியை முடித்ததும் சென்னையில் இருந்த வணிக நிறுவனம் ஒன்றில் ஓராண்டு தட்டச்சராகப் பணியாற்றினார். பின்னர் உயர்கல்வி பெற்று சென்னையில் உள்ள கல்லூரி ஒன்றில் 21 ஆண்டுகள் ஆசிரியராகப் பணியாற்றிவிட்டுத் தன் 45ஆம் அகவையில் (வயதில்) விருப்ப ஓய்வு பெற்றார் .
       இவரின் தந்தையும் தாயும் 1937 ஆம் ஆண்டு முதலே சுயமரியாதை இயக்கம், திராவிடர் கழகம், திராவிட முன்னேற்றக் கழகம் என அரை நூற்றாண்டிற்கும் மேலாக தொடர்ந்து அரசியலில் இயங்கி வந்தனர். இதனால் இளமையிலேயே இவருக்கு  அரசியல் ஆர்வம் ஏற்பட்டது. கல்லூரியில் படிக்கும் பொழுதே திராவிட இயக்க ஆதரவாளராக வளர்ந்தார். ஆரியத்தால் வீழ்ந்தோம், திராவிடத்தால் எழுந்தோம், தமிழியத்தால் வெல்வோம் என்னும் மூல முழக்கத்தை முன்வைத்து, 2007ஆம் ஆண்டு, திராவிட இயக்கத் தமிழர் பேரவை என்னும் இயக்கத்தை நிறுவி  பொதுச்செயலாளராகத் தற்பொழுது இயங்கி வருகிறார்.கருஞ்சட்டைத் தமிழர் என்னும் மாதமிருமுறை இதழின் ஆசிரியராகவும்  பொறுப்பு வகிக்கிறார்.
         இவர் தமிழீழ ஆதரவு நடவடிக்கைகளின் காரணமாக பொடா சட்டத்தில் கைது செய்யப்பட்டு சிறையில் இருந்தார். அவர் குற்றமற்றவர் என நீதிமன்றம் வழங்கிய தீர்ப்பால் விடுதலை அடைந்தார்.தனது சிறை அனுபவங்கள் குறித்து அது ஒரு பொடா காலம் என்னும் நூலையும் எழுதியுள்ளார். தன் தந்தை இராம. சுப்பையாவிடம் உரையாடி, அவரது திராவிட இயக்க அனுபவங்களை “எனது வாழ்க்கையும் திராவிட இயக்க அனுபவங்களும்” என்னும் நூலாகத் தொகுத்து வெளியிட்டுள்ளார் .அரசியல், வரலாறு, இலக்கியம் எனப் பல்வேறு துறைகளில் 18 நூல்களை எழுதியுள்ளார். கடந்த 40 ஆண்டுகளாகத் தமிழகத்தின் தலைநகரில் வாழ்ந்து வருகின்றார். வாழ்விணையரின் பெயர் வசந்தா.

விடுதலை வாசகர் வட்டத்தால் பாராட்டு பெறும் மேனாள் திமுக ஒன்றிய செயலர் மூத்த திராவிட இயக்க உறுப்பினர் மயிலேரி.க.சண்முகம்

விடுதலை வாசகர் வட்டத்தால் பாராட்டு பெறும்
 மேனாள் திமுக ஒன்றிய செயலர்
 மூத்த திராவிட இயக்க உறுப்பினர் மயிலேரி.க.சண்முகம்


தீவிர திராவிட பற்றுடனும் கொள்கை உறுதியுடனும் வாழ்ந்து வரும் திருமிகு.மயிலேரி.கா .சண்முகம் அவர்கள் 1-06 -1927 அன்று வேளாண்மையை தொழிலாக கொண்ட பெற்றோர்க்கு சேலம் மாவட்டம் இன்றைய சங்ககிரி வட்டம் மயிலேரிபட்டியில் பிறந்தவர். இவருக்கு 2 சகோதரர்கள் 1 சகோதரி.
        வேளாண்மை காரணங்களால் குடும்பத்துடன் ஊற்றங்கரை இடம் பெயர்ந்த திருமிகு.மயிலேரி.க.சண்முகம் அவர்கள் இளமையில் பொதுவுடமை இயக்கத்தில் தீவிர பற்று கொண்டவர் .திருப்பத்தூர் அரசினர் பள்ளியில் 11ஆம் வகுப்பு வரை படித்தவர் .தீவிர பகுத்தறிவாளரான இவர் பள்ளி பருவத்தில் திராவிட முன்னேற்ற கழகத்தில் ஈடுபாடு கொண்டவராய் மாறினார் .இவரது பள்ளி தோழர்கள் மேனாள் சட்டமன்ற உறுப்பினர் கே.ஆர்.கிருஷ்ணன் ,மேனாள் ஊற்றங்கரை பேரூராட்சி தலைவர் வ.சாமிநாதன் ஆகியோர் குறிப்பிடத்தகுந்தவர்கள்
60 ஆண்டுகள் திமுக உறுப்பினர்,  திமுக ஆரம்ப நாள் உறுப்பினர், என்கிற பெருமையுடய திருமிகு.மயிலேரி.கா.சண்முகம் அவர்கள் இந்தி எதிர்ப்புப்  போரில் இருமுறை சிறை சென்றவர் .மொழிப் போர் தியாகி என திமுக தலைமையால் பாராட்டப்பட்டவர் .கழகம் அறிவித்த அனைத்துப் போராட்டங்களிலும் பங்கேற்றதுடன் பெரும் திரளான தோழர்களை திரட்டி வெற்றிகரமாக நடத்தி காட்டியுள்ளார்.அதிக நிதி வசூல் செய்து கழகத்திற்கு அளித்தமைக்கு அண்ணா அறிவாலையத்தில் கலைஞர் அவர்களால் உதயசூரியன் சின்னம் பொறித்த மோதிரம் அணிவிக்கப்பட்டு சிறப்பிக்கப்பட்டவர்
ஊற்றங்கரை திமுக ஒன்றியச் செயலராக தொடர்ந்து 18 ஆண்டுகள் பணியாற்றிய.திருமிகு.மயிலேரி.கா .சண்முகம் திமுக சட்டமன்ற உறுப்பினர்கள் கே.ஆர்.கிருஷ்ணன் ,டாக்டர் சின்னராசு,திருமதி .வேடம்மாள் ஆகியோர்களின் வெற்றிக்கு பாடுபட்டவர் .ஊற்றங்கரை நகரின் மையப் பகுதியில் அலங்கரிக்கும் பேரறிஞர் அண்ணா சிலைக்கான இடம் கழகத்திற்கு உரிமையாக்கியதில் முக்கிய பங்காற்றினார் .1974 இல் ஊற்றங்கரை கூட்டுறவு பால் உற்பத்தியாளர்கள் சங்கத்தை துவக்கி 20 ஆண்டுகள் தலைவர் பணியாற்றியதுடன் அச் சங்கத்திற்க்கு இடம் வாங்கிய பெருமை இவரையே சாரும் .D.D.9 கூட்டுறவு சங்க தலைவராக 10 ஆண்டுகள்  பணியாற்றியுள்ளார்.மத்தூர் ஒன்றிய திமுக தலைவர் ,மாவட்ட உறுப்பினர் ,திமுக பொதுக் குழு உறுப்பினர் உள்ளிட்ட பல பொறுப்புக்கள் வகித்தவர் .
         தனது 26 ஆம் வயதில் வசந்தா அம்மையாரை வாழ்விணையராக ஏற்றுக்கொண்ட மயிலேரி.கா.சண்முகம் அவர்களுக்கு யோகபாலன் என்கிற மகனும் சசிகலா என்கிற  மகளும் உண்டு .வேளாண்மையை தொழிலாக கொண்ட இவர்கள் வாழ்வில் மருமகன் ,பெயரன் ,பெயர்த்தி என பலரும் மருத்துவர்களாகவும் ,பொறியாளர்களாகவும் உள்ளனர்.
                              திமுகவின் மாவட்ட செயலர்கள் ஆர்.சின்னசாமி.,சென்னகேசவன் ,முல்லைவேந்தன் ,கமலநாதன் ,காஞ்சனா கமலநாதன் ,உள்ளிட்ட பலருடனும் நெருக்கமான தொடர்பையும் இயக்க பணியும் கொண்டவர் .தந்தை பெரியார் ,பேரறிஞர் அண்ணா ,டாக்டர் கலைஞர் ,தளபதி ஸ்டாலின் வழியில் கடமை கண்ணியம் கட்டுப்பாடு என செயலாற்றிவரும் மூத்த திராவிட இயக்க உறுப்பினரை விடுதலை வாசகர் வட்டத்தில் பாராட்டுவதில் பெருமை கொள்கிறது

ஊற்றங்கரை விடுதலை வாசகர் வட்டத்தில் நடைபெற்றுள்ள கருத்தரங்கமும் - கருத்துரையாலர்களும்
------------------------------------------------------------
---------------------------------------------------------------------------------
1.விடுதலை ஆசிரியர் கி.வீரமணி பிறந்தநாள் கருத்தரங்கம் -முன்னால் N .G .O சங்க தலைவர் அறிவுக்கரசு
2.தமிழ் புத்தாண்டு& தமிழர் திருநாள் கருத்தரங்கம் -துரை.சந்திரசேகரன்
3.இருதய நலம் குறித்த சிறப்பு கருத்தரங்கம் -Dr .சிவசுபிரமனியம் M .D .(cardio )
4.மகளிர் தின கருத்தரங்கம் -வழக்கறிஞர் .அ.அருள்மொழி
5.தன்னம்பிக்கை பயிற்சி கருத்தரங்கம் -தன்னம்பிக்கை பயிற்சியாளர் ஜாகிர் ஹுசைன்
6.மே தின கருத்தரங்கம் - சாகுல் அமீத்
7.திராவிடர் வரலாற்று ஆய்வு கருத்தரங்கம் -பெரியாரியல் பேச்சாளர் பெரியார் செல்வன்
8.காமராஜர் பிறந்த நாள் விழா -கவிஞர் கலி பூங்குன்றன்
9.தமிழ் இணைய பயிலரங்கம் -புதுவை பேராசிரியர் .மு.இளங்கோவன்
10.பெரியார் பிறந்த நாள் விழா -முன்னால் அமைச்சர் முல்லைவேந்தன்
11.பெண்ணியம் குறித்த சிறப்பு கருத்தரங்கம் -பெரியார் பல்கலைகழக பதிவாளர் .பெ .மாதையன்
12.ஊடகம் குறித்த சிறப்பு கருத்தரங்கம் - நிழல் .திருநாவுக்கரசு
13.மூடநம்பிக்கை குறித்த சிறப்பு கருத்தரங்கம் - மருத்துவர் எழிலன்
14.மொழிப் போர் தியாகிகள் நினைவு கருத்தரங்கம் -இ .ஜி .சுகவனம் M P
15.தமிழர் தொன்மை குறித்த கருத்தரங்கம் -ஒரிசா பாலு என்கிற சிவ.பாலசுப்ரமணியம்
16.உலக மகளிர் தின விழா - கவிஞர் .ருக்மணி
17.திராவிடர் இயக்க 100 ஆம் ஆண்டு விழா கருத்தரங்கம் -நக்கீரன் துணை ஆசிரியர் கோவி .லெனின்
18.நகைச்சுவை குறித்த சிறப்பு கருத்தரங்கம் -தமிழ்நெஞ்சன்
19.வாசகர் வட்ட சிறப்பு கருத்தரங்கம் -தமிழர் தலைவர் வீரமணி
20.பச்சைத்தமிழர் காமராஜர் 110 ஆம் ஆண்டு பிறந்த நாள்விழா - தேசிய முரசு ஆசிரியர் கோபண்ணா
21.மனிதநேயக் கருத்தரங்கம் -பேராசிரியர் சிராஜுதீன்
22.தந்தை பெரியார் 110 ஆம் நாள் கருத்தரங்கம் -வழக்கறிஞர் தமிழன் பிரசன்னா
23.நெதுசு நூற்றண்டு விழா -பேராசிரியர் மங்கள முருகேசன்
24.ஜாதி ஒழிப்புக் கருத்தரங்கம் - வழக்கறிஞர் பூவை .புலிகேசி
25 மத வெறி எதிர்ப்பு கருத்தரங்கம் -முனைவர் அதிரடி.அன்பழகன் .
26.தமிழ் மொழி குறித்த கருத்தரங்கம் -சூரியன் பண்பலை தொகுப்பாளர் இ .இராஜசேகர்
27.மகளிர் எழுச்சிக் கருத்தரங்கம் -ஊடகவியலாளர் கவின்மலர்
28.புரட்சிகவிஞர் விழா -திராவிட இயக்க சொற்பொழிவாளர் இராம .அன்பழகன்
29.ஜாதி தீண்டாமை ஒழிப்பு கருத்தரங்கம் -அழகிய பெரியவன்
30.டாக்டர் கலைஞர் பிறந்த நாள் கருத்தரங்கம் -எழுத்தாளர் க.திருநாவுக்கரசு
31காமராஜ் திரைப்படம் திரையிடல்
32.இயற்கை விவசாயம் குறித்த கருத்தரங்கம் - வேளாண் விஞ்ஞானி கோ.நம்மாழ்வார்
33.தந்தை பெரியார் பிறந்தநாள் விழா கருத்தரங்கம் -எழுத்தாளர் .வே.மதிமாறன்
34.திராவிடர் எழுச்சிக் கருத்தரங்கம் -பேராசிரியர் .சுப.வீரபாண்டியன்
வாசகர் வட்டத்தால் பாராட்டப்பட்டவர்கள்
------------------------------
----------------------------------------
1 .பெரியார் பெருந்தொண்டர்கள்
2 .வித்யா மந்திர் நிறுவனர் வே.சந்திரசேகரன்
3 .பத்திரிக்கை முகவர் ரகோத்தமன்
4 .நல்லாசிரியர் விருது பெற்ற ஆசிரியை புவனேஸ்வரி
5 .அரிமா .முத்து .சந்திரசேகரன் CAK பெட்ரோலியம்
6 .நல்லாசிரியர் விருது பெற்ற ஆசிரியர் வரதராசன்
7 .அதியமான் கல்வி நிறுவனர் திருமால் முருகன்
8 .மாவட்ட கல்வி அலுவலர் முருகேசன்
9 .சங்கர் IAS அகடமியின் நிறுவனர் சங்கர்
10 வித்யா மந்திர் கல்லூரியின் முதல்வர் .க.அருள்
11 தேசிய விருது பெற்ற ஒளிபதிவாளர் கோ.முரளி
12 மருத்துவர் .கொ.மாரிமுத்து
13 .கவிஞர் .சாகுல் அமீத்
14 மருத்துவர் வெ.தேவராசு
.15 .ஓடிஸா மாநில சார் ஆட்சியர் மரு.பிருந்தா
16 நகரின் மூத்த திராவிட இயக்க உறுப்பினர் வ.சாமிநாதன்
17 ஓய்வு பெற்ற அலுவலர் சங்கத்தலைவர் மாரிசெட்டி
18 வடஅமரிக்க தமிழ்சங்கத் தலைவர் தண்டபானிகுப்புசாமி
19 நரிக்குறவர் இனத்திலிருந்து மருத்துவம் பயில தேந்தெடுக்கப் பட்ட முதல் மாணவர் ராஜ பாண்டி
20 உலக தமிழ்க் கவிஞர் பேரவையின் அமைப்பாளர் .கவி .செங்குட்டுவன்
21 நல்லாசிரியர் விருது பெற்ற மு.இந்திராகாந்தி
 22 நல்லாசிரியர் விருது பெற்ற பெ.ராசேந்திரன்
23சாதி மறுப்பு மணம் செய்து கொண்ட தம்பதியினர்
24.வரதராசுலு ஆசிரியர்
25.தமிழுக்கு தொண்டாற்றி பணி நிறைவு செய்த தமிழாசிரியர்கள்
26.ஊராட்சி மன்ற தலைவர் சிவலிங்கம்
27..மூத்ததிராவிட இயக்க உறுப்பினர் மயிலேரி.கா .சண்முகம்
---------------------------------------------------------------------------------------------------------
வாசகர் வட்டத்தில் திறந்து வைக்கப்பட்ட படங்கள்
1.தந்தை பெரியார்
2.புரட்சிகவிஞர் பாரதிதாசன்
3.பேரறிஞர் அண்ணா
4.அன்னை மணியம்மையார்
5.அண்ணல் அம்பேத்கார்
6.சேகுவேரா
7.சுயமரியாதை சுடரொளிகள்
8.பச்சைத் தமிழன் காமராசர்
9.நடிகவேள் எம்.ஆர் .இராதா
10.இராமலிங்க அடிகளார்
11.கலைவாணர் .என்.எஸ் .கே
12.சமூகநீதி காவலர் விபிசிங்
13 மொழிபோர்த்தியாகிகள்
14 விஞ்ஞானி ஜி .டி.நாயுடு
15.திராவிட இயக்க வீராங்கனைகள்
16.டாக்டர் சி.நடேசனார்
17.டி .எ .மதுரம்
18.தவத்திரு குன்றக்குடி அடிகளார்
19.மறைமலை அடிகள்
20 திரு .வி.க\
21.இரட்டைமலை சீனிவாசன்
22.கல்வியாளர் நெ.து .சு
23.கி ஆ பெ விசுவநாதன்
24 .மொழி ஞாயிறு தேவநேய பாவாணர்
25.தோழர் ஜீவானந்தம்
26.டாக்டர் முத்துலட்சுமி ரெட்டி
27.பட்டுக்கோட்டை கல்யாணசுந்தரம்
28.அயோத்திதாச பண்டிதர்
29.டி .என் ராஜரத்தினம் பிள்ளை
30.பன்மொழிப் புலவர் அப்பாதுரையார்
31.டாக்டர் ஆபிரகாம் கோவூர்
32.டாக்டர் நரேந்திர தபோல்கர்
------------------------------------------------------------------------------------
வாசகர் வட்டத்தில் கருத்துரையாற்ற அளிக்கப் பட்ட தலைப்புகள்
1.தமிழர் வாழ்வில் விடுதலை
2.நற்றமிழர் வாழ்வில் தை திங்களும் தமிழ் புத்தாண்டும்
3.இதயம் காப்போம்
4.பெண்ணியம் வென்றதும் வெல்லவெண்டியதும்
5.நம்மால் முடியும்
6.விடுதலை வரலாற்றில் சில பக்கங்கள்
7.திராவிடர் இயக்கத்தின் நோக்கமும் தாக்கமும்
8.பெரியாரும் காமராஜரும்
9.இணையம் கற்போம்
10.பெரியாரின் தேவை
11.பெரியாரும் பெண் விடுதலையும்
12.ஊடகங்களை புரிந்து கொள்வோம்
13.தமிழ்நாடும் மூடநம்பிக்கையும்
14.தமிழ் எங்கள் உயிருக்கு நேர்
15.தமிழின் தொன்மையும் பெருமையும்
16.தந்தையே தா உன் கைத்தடி
17.திராவிட இயக்கம் சொன்னதை செய்தது  செய்ததை சொன்னதா ?
18 சிரிக்கத்தானே இந்த நேரம்
19.சமத்துவ சிந்தனைகள்
20.பெரியாரும் பெருந்தலைவரும்
21.யார் மனிதன்
22.பெரியார் எனும் உயிராயுதம்
23.கல்விப் பணியில் நெதுசுவும் பகுத்தறிவும்
24.ஜாதி என்னும் சதி
25 மதம் மனிதம் மகாத்மா
26 தமிழ் இலக்கியங்களும் அறியப்படாத செய்திகளும்
27.''ஊடகங்களில் வர்ண பேதமும் பாலியலில் வர்க்க பேதமும் ''
28 பெரியார் வழியில் பாரதிதாசன்
29.பெரியார் அம்பேத்கார் கொள்கைகளில் ஜாதி ஒழிப்பு
30.மானமிகு சுயமரியாதை
31.தி கிங் மேக்கர் காமராஜ்
32.'அழிந்து வரும் இயற்கை விவசாயமும் தலைகுனியும் நவீன விவசாயமும் '
33.பெரியார் எதிர்ப்பும் பெரியார் மறுப்பும் ஜாதி வெறியே
34.திராவிட இயக்க எதிர்ப்பாளர்களும் நம் கடமையும்

பேராசிரியர் சுப.வீரபாண்டியன் ஆற்றிய முழு உரையும் வாசகர்களின்கேள்வி பதில் நிகழ்ச்சி

ஊற்றங்கரை விடுதலை வாசகர் வட்டத்தில் நடைபெற்ற திராவிடர் எழுச்சிக் கருத்தரங்கில் ''திராவிட இயக்க எதிர்ப்பாளர்களும் நம் கடமையும் '' என்னும் தலைப்பில் யும் பேராசிரியர் சுப.வீரபாண்டியன் ஆற்றிய முழு உரையும் வாசகர்களின்கேள்வி பதில் நிகழ்ச்சி

பேராசிரியர் சுபவீ எழுச்சியுரை

ஊற்றங்கரை விடுதலை வாசகர் வட்டத்தில் நடைபெற்ற திராவிடர் எழுச்சிக் கருத்தரங்கில் ''திராவிட இயக்க எதிர்ப்பாளர்களும் நம் கடமையும் '' என்னும் தலைப்பில் பேராசிரியர் சுப.வீரபாண்டியன் ஆற்றிய உரை

அக்டோபர் மாத 34ஆம் நிகழ்வு

திராவிடர் எழுச்சிக் கருத்தரங்கம்